Hvenær ætlar ríkiskirkjan að gera upp?

....við páfastól, vegna þeirra jarða sem Lútherska kirkjan tók ófrjálsri hendi af Kaþólsku kirkjunni ...og "seldi" svo ríkinu. 

33,5 milljarðar fyrir kirkjujarðir

Ekki mjög sennilegar fréttir

Mjög ósennlegar fréttir. Del Bosque, sem er b.t.w. af aðalsættum, hefur aðeins stýrt einu félagi fyrir utan það að vinna hjá Real Madrid og það var Besiktas sem hann stýrði í aðeins tæplega ár, við mjög sklakt gengi.

Hann hefur aðeins unnið tvo meistaratitla sem stjóri félagsliðs, en raunar meistaradeildina tvisvar með Real. Svo hefur hann auðvitað orðið heimsmeistari og Evrópumeistari með Spánverjum, en það var ekki lið sem hann byggði upp, heldur byggt í kringum leikmenn Barcelona. Ég er ekki að segja að Del Bosque sé slakur þjálfari, en ekki neinn maður til að fara 64 ára gamall í enska boltann sem allt öðru vísi en sá spænski, fara að finna besta liðið, kaupa leikmenn og svo framvegis. Hann hefur haft úr þvílíkum haug góðra leikmanna  að velja úr sem landsliðsþjálfari, svo hann hefur unnið í frekar vernduðu umverfi. 

Ég held að það detti ekki mörgum í hug að bjóða honum starf í Englandi, Þýskalandi og á Ítalíu. 

Del Bosque sagður hafa hafnað Man. Utd

Vantar kannski....

Það vantar eiginlega í fréttina að þegar Ferguson tók við liðinu árið 1986 stóð ekki steinn yfir steini í liðinu og lítið til að vinna með....Moyes tók við ríkjandi Englandsmeisturum.

Moyes með betri árangur en Sir Alex eftir 50 leiki

Er þetta ekki svolítið happý fyrirsögn

Liðið er ennþá í bullandi séns með að vinna enska meistaratitilinn og hefur verið að spila stórkostlega á tímabilinu. Það er ekkert að því að tapa fyrir Barcelona og má eiginlega samt tala að nokkru um óheppni í því samhengi. Tapið fyrir Wigan var arfaslakt, en það verður að minna á að aðeins einu liði hefur tekist að vinna þá þrjá stóru titla sem eru í boði fyrir ensku liðin og aðeins fimm liðum hefur tekist að vinna bæði deild og FA bikar á sama tímabilinu. Fyrst árið 1961 og síðan aftur 1971 og svo liðu 15 ár þar til næsta skipti kom. Reyndar hefur Manchester United afrekað þetta þrisvar. 

Það er því eiginlega ekki allt úti hjá Pellegrini. Hann er þegar búinn að lyfta einum bikar og er í miklum séns með að vinna meistaratitilinn. 

Fjarar undan Pellegrini

Eru fjölþjóðafyrirtæki...

almennt heiðarleg?? Reynslan af starfi þeirra er yfirleitt sú að þau starfi við ystu mörg laganna og langt fyrir utan mörk siðferðis.

Brotin ekki bundin við landamæri

Ákveðin öfl í samfélaginu vilja......

moka peningum sem almenningur í landinu hefur unnið fyrir í vonlaust lanbúnaðarfyrirkomulag, til þess eins að það sé hægt að halda uppi verðinu á landbúnaðarafurðum til að selja þessu sama fólki og skeyta lítið um hag neytenda....

Fella ekki einhliða niður tolla

Villandi frétt

Það er reyndar dálítið villandi í þessari frétt að flutningurinn á verkefnunum sé til að mæta því að öðru verkefni sé að ljúka. Hið rétta er ráðuneytið er að færa til verkefni og þar sem verkefni embættisins hafa tekist vel, hefur verið ákveðið að færa fleiri verkefni þangað.

Reynslan af tilflutningi svona verkefna hefur yfirleitt verið á þann veg að það létti álagi af ráðuneytum, sem í flestum tilvikum er ærið og það taksit að skapa sérþekkingu á þeim stað sem tekur við verkefnunum sem leiðir í flestum tilvikum til meiri skilvirkni.  

Leyfi til líkflutninga á herðum sýslumanns á Siglufirði

Held reyndar að flestir...

Ég held að flestir hafi verið á því áður en hann var keyptur að það væri óráð að fjárfesta í honum þar sem hann væri alls ekki leikmaður sem hentaði þessu liði. Það hefur komið á daginn.

United ekki unnið leik með Fellaini í byrjunarliðinu

Með ólíkindum

Hvers vegna að hækka sóknargjöld þegar er verið að hækka álögur á þá sem eru veikir? Af hverju er ekki skorið niður hjá þessari tilgangslausu stofnun og það húsnæði sem hún hefur lagt undir einhverja nytsama starfsemi?  

 Það væri miklu frekar að breyta sóknargjöldum í almenna skatta sem yrðu eyrnamerktir til löggæslu og heilbrigðismála. 

Framlög til þjóðkirkjunnar hækkuð

Endalausar kenningar

Á nær hverju ári koma fram nýjar kenningar um hver hafi raunverulega verið maðurinn sem nefndur var, líklega af honum sjálfum "Jack the Ripper". Má telja að þetta sé þekktasta óupplýsta sakamál allra tíma. Margar ævintýralegar kenningar um það hver hafi staðið fyrir morðunum í Whitechapel hverfinu í London haustið 1888 eins og nefnt er í fréttinni. Í mörgum tilvikum hafa þessar kenningar augljóslega aðeins verið settar fram til að vekja athygli á höfundi þeirra.

"Gælu" nafn morðingjans kom fyrst fram í bréfi sem hefur verið nefnt "Dear Boss" bréfið og var sent fréttastofu í London, en það hófst á orðunum "Dear Boss" og undirritað, "yours truly, Jack the Ripper".  Upphaflega var talið að bréfið væri gabb eins og mikill fjöldi slíkra bréfa sem bárust bæði lögreglu og fréttamiðlum á sama tíma, en ýmislegt sem gerðist síðar þótti skjóta stoðum undir að það hafi raunverulega verið ritað af morðingjanum, þar sem efni þess var ekki gert obinbert að öllu leyti á þessum tíma.  Annað bréf sem barst síðar og hefur verið kallað "From Hell" bréfið var einnig talið líklega komið frá morðingjanum sjálfum vegna atriða sem hann upplýsti þar og aðeins lögreglan og morðinginn gætu vitað. Það bréf innihélt líka nýra sem hafði verið geymt í sérstökum vökva til að varðveita það, en það kom í veg fyrir að hægt væri að finna út hvenær það var fjarlægt frá upphaflegum eiganda sínum en annað nýrað hafði einmitt verið fjarlægt úr því fórnarlambi sem var myrt nokkrum dögum áður en bréfið barst.

Málið vakti gríðarlega athygli á sínum tíma og næstu 125 árin á eftir eins og komið hefur í ljós. Reyndar liggur ekki alveg fyrir hversu mörg morðin voru. Það þykir unnt að slá því föstu að þau hafi verið fimm, en þó líklega sex, því misjafnt er hvort morðið á Mörthu Tabram sem var ungverskur innflytjandi, sé talið hafa verið framið af sama manni og hin morðin eða öðrum.  Sumt bendir til þess að fórnarlömbin hafi verið allt að níu, en það er þó óljóst.  Ofbeldi af þessu tagi var fjarri því að vera óþekkt á þessum tíma, en Whitechapel hverfið var suðupottur margra ólíkra menningarstrauma og undir kraumaði óánægja almennings með afkomu sína, fátækt og mikinn straum útlendinga sem settust að í hverfinu. Yfirvöld í London höfðu lengi haft áhyggjur af því að lítið þyrfti til að upp úr syði og lögðu gríðarlega áherslu á að upplýsa málið til þess að það yrði ekki notað gegn þeim að fórnarlömbin voru fátækar vændiskonur og yfirvöldum væri sama um þær.

Á sínum tíma voru nokkrir grunaðir, auk þess sem aragrúi kenninga kom fram um það. Sú kenning að morðinginn væri læknismenntaður var þó ekki hátt skrifuð á þessum tíma og kom aðallega fram síðar. Það var þó almennt gengið út frá því að nokkra þekkingu þyrfti á líffærafræði til að framkvæma það sem morðinginn gerði. Einngi voru kenningar uppi um að hann væri aðalsmaður, en þær voru að mestu órökstuddar og einkum taldar hafa komið fram vegna andúaðar á aðlinum. Morðin voru líka öll framin um helgi sem gat bent til þess að morðinginn væri í vinnu.

Yfirvöldum var mjög í mun að þagga niður allar hugmyndir um að morðinginn væri útlendingur af ótta við uppþot, sem gætu breiðst út um allt landið og því kann að vera að nokkuð af rannsóknargögnum hafi verið eytt í því skyni. Engu að síður gekk rannsakandi málsins út frá því sem líklegum möguleika, bæði vegna þess að nokkuð leið á milli morðanna sem gat bent til þess að morðinginn væri ferðamaður. Einnig þótti orðalag bréfanna sem talin voru koma frá morðingjanum sjálfum, Dear Boss bréfinu og From Hell bréfinu benda til þess að hann væri Írskur eða hefði að minnsta kosti góða þekkingu á írsku orðfæri.  Þá lauk morðunum mjög skyndilega sem gat bent til þess að morðinginn væri farinn af landi brott, eða látinn.

Kenningar síðari tíma hafa margar verið frekar ævintýralegar en aðrar vel rökstuddar. Ein þekktasta kenningin er að morðinginn tengist konungsfjölskyldunni og eitt morðanna hafi haft þann tilgang að fela tengsl Alberts prins við eina af vændiskonunum. Hin morðin hafi verið framin í þeim tilgangi að fela slóð morðingjans. Þeirri kenningu voru gerð ágæt skil í kvikmyndinni From Hell sem gerð var eftir samnefndri bók. Hún hefur þó verið hrakin nokkuð kyrfilega. Samkvæmt henni voru morðingjarnir í raun tveir og annar þeirra Sir William Gull, einkalæknir drottningarinnar, en hinn aðstoðarmaður hans. Hinsvegar var Gull mjög heilsulítill á þessum tíma eftir að hafa fengið heilablæðingu árið áður og talið frekar ósennilegt að hann hafi haft burði til þess að fremja ódæðin.

Rannsakandinn í málinu var Frederick Abberline, en hann var allan tímann undir hælnum á Sir Charles Warren lögreglustjóra sem var fyrrverandi herforingi. Warren hafði árið áður en morðin hófust aflað sé mikillar ánægju yfirboðara sinna þegar hann barði niður með harðri hendi mótmæli á Trafalgartorgi, þar sem bágum lífskjörum alþýðunnar var mótmælt.  Warren mun hafa bundið hendur Abberline verulega til þess að vekja ekki grunsemdir um að reynt væri kerfisbundið að þagga málið niður eða finna hentugan sökudólg, auk þess sem það mátti ekki spyrjast út að morðinginn gæti verið útlendingur.

Abberline sjálfur mun hafa verið næsta viss um að morðinginn væri George Chapman sem hét réttu nafni Seweryn Klosowski og var pólskur innflytjandi. Chapman hafði sem ungur unnið sem aðstoðarmaður læknis á spítala í Varsjá og taldi Abberline það skýra þekkingu morðingjans á líffærafræði mannslíkamans, enda voru innifyli fórnarlambanna í mörgum tilvikum fjarlægð eða færð til af furðulegri nákvæmni.  Það styrkti Abberline einnig í trúnni að Chapman, eða Klozowski flutti í Whitechapel hverfið um það leyti sem morðin hófust, auk þess sem fyrrverandi eiginkona Chapmans sagði honum að hann hafi verið mjög dulur og farið oft út á kvöldin og rápað um í óvissum tilgangi. Þá var hann þekktur af ofbeldi við sambýliskonur og hjákonur sínar.  Það sem gerði það þó helst að verkum að Abberline var sannfærður um sekt Chapmans var að hann hafði dvalið í Bandaríkjunum um tíma og eftir að rannsóknin hófst komu fréttir þaðan um að á sama tíma og Chapman dvaldi í New York hafi verið framin tvö hrottaleg morð þar sem þóttu minna nokkuð á Ripper morðin. Ekki er vitað með vissu hvort Abberline fór til Bandaríkjanna til að kanna slóð hans þar.

Margir sem hafa ritað um morðin síðar hafa tekið undir grunsemdir Abberline, sem virðist ekki hafa fengið að fylgja þeim eftir, mögluega vegna þess að Chapman var útlendingur.  Það hefur þó verið bent á þann veikleika í kenningu hans að Chapman hvorki flutti frá London né lést um það leyti sem morðunum í Whitechapel lauk, heldur lést hann í gálganum árið 1903 eftir að hafa verið sakfelldur fyrir að myrða þrjár sambýliskonur sínar á árunum 1897-1901, með eitri. Það þykir frekar ósennilegt að raðmorðingi breyti svo um aðferð.  

Það sem hefur komið fram um þessa nýju kenningu bendir til að hún sé frekar laus í reipunum og illa rökstudd eins og svo margar aðrar. Eðli málsins samkvæmt mun aldrei verða varpað ljósi á það hver það var sem myrti á bilinu fimm til níu vændiskonur í Whitechapel hverfinu í London fyrir réttum 125 árum, en engu að síður munu halda áfram að koma fram kenningar um lausnina á þessu þekktasta óupplýsta sakamáli allra tíma.

Er Feigenbaum Kobbi kviðrista?